mi toki lon kulupu sona JALT lon ma tomo Tsukuba. toki ni li nimi “Teaching Toki Pona in Japan: Insights and Implications” (sona sin en ijo tan tan pana sona pi toki pona lon ma Nijon).
toki ni la mi pana sona e toki pona li toki e pali pi kulupu sona pi tomo sona mi. mi kepeken lipu mi pi pana sona li kepeken lipu pi wile sona la mi kama sona e ni:
- sona pi nasin toki: jan pi kama sona li kama sona e lawa toki. sona pi kulupu nimi (nimi ijo, nimi pali,…) li kama wawa tawa ona.
- waleja: jan pi kama sona ni li kama sona e toki Inli la waleja li suli ala tawa toki mama (toki Nijon). taso toki pona la waleja li suli tawa toki Nijon. pilin ni la ona li pilin e jan ante e nasin toki.
- nasin toki: jan pi kama sona li toki kepeken toki Inli la tenpo ni li lon: ona li sona ala e nimi li kepeken nimi ante. nasin toki ni li kama wawa tawa ona.
- nasin pi pana sona: jan pi kama sona li kama ala pilin ike tan ni: nasin pi pana sona li kepeken ante toki. ona li sona wawa e lawa toki sin la ni li pona mute tawa ona.
mi pini e ni: mi wile alasa sona mute e toki pona tan ni: jan li kama sona e toki pona lon tenpo lili. jan li alasa sona la ona li kama sona e ni: jan li kama jo e pona seme tan toki pona?
#opona