o ante e toki pi lipu ni:
#opona
pu
pu li pona nanpa wan tawa mi tan ni: mi kama sona e toki pona kepeken pu. ni li pona tawa mi: linja nimi pu li ante e lawa sina. lawa sina li ante la sina ken sona pona e toki pona.
sina ken kama jo e pu kepeken ilo esun Amazon. kin la ante toki li lon.
sitelen tawa pi kama sona
toki pona la sitelen tawa pi kama sona li mute. sitelen tawa ni li pona tawa jan mute.
sitelen tawa “Learn Toki Pona!” tan jan Kekan San
jan Kekan San li pana sona e toki pona la ona li pana sona e sitelen pona. ona li kepeken toki Inli.
sitelen tawa “o pilin e toki pona” tan jan Telakoman
jan Telakoman li pana sona e toki pona kepeken toki pona taso.
sitelen tawa “Toki Pona in 18 Minutes” tan ilo Tani
ilo Tani li pana sona e sona ale pi toki pona kepeken tenpo lili. ilo Tani li kepeken toki Inli.
sitelen tawa “トキポナレッスン” tan jan Nesapa
jan Nesapa li pana sona e toki pona kepeken toki Nijon.
sitelen tawa “トキポナ文法を１０分で” tan mi
mi toki e lawa toki ale pi toki pona kepeken tenpo lili. mi kepeken toki Nijon. taso mi pilin e ni: jan li ken ala kama sona e toki pona kepeken sitelen tawa ni. mi pali e sitelen tawa ni tawa jan ni: ona li wile kama sona e sona lili taso.
sitelen pi tawa ala pi kama sona
nasin seme pi pana sona li pona tawa sina? o alasa e ni.
- lipu sona pona
- lipu sona
- lipu Toki Pona Today! li kepeken sitelen tawa lili kepeken pali pi alasa toki.
- lipu Learning Language Toki Pona tan jan Kato la pali pi ante toki en pali pi kama sona li mute.
ilo pi kama sona:
- ilo pi kama sona nimi tan jan Antele li lon ilo Memrise.
- ilo pi kama sona nimi li lon ilo Anki. ilo ni la sitelen pona li lon.
sitelen sitelen:
ma lipu pi jan Jonathan Gabel la sina ken kama sona e sitelen sitelen.
ijo ante
ku la nimi pu en nimi ku en kulupu nimi li lon. nanpa li pana sona e ni: jan mute seme li kepeken nimi wan. nanpa ni li tan lipu pi wile sona. sina jan sin pi toki pona la ku li pona mute tawa sina. sina ken kama jo e ku kepeken ilo esun Amazon.
- lipu Toki Pona Cheat Sheet la toki pona ale li lon lipu wan taso a! lawa toki ale li lon sinpin. nimi ale li lon monsi.
- lipu Linku li lipu nimi lon linluwi. nimi wan la kon mute en tan en jan pali en sitelen pona en sitelen sitelen li lon. kon la toki pi ma mute li lon.
- ilo pi jan Ne li ante e nimi jan pi ma ante tawa kalama pi toki pona.
- linja pona li sitelen pi ilo sona. ni la sina ken kepeken sitelen pona lon ilo sona.
- ilo Line pi ma Nijon la sitelen pi sitelen pona li lon. ilo esun pi ilo Line la sina ken kama jo e sitelen pona ale kepeken kulupu “トキポナ絵文字(sitelen pona)” tu tu.
ma lipu pi toki pona:
ma lipu tokipona.org li ma lipu lawa pi toki pona. sona mute li lon. ilo Wikipedia la lipu pi toki pona li jo e sona mute. sona mute nanpa wan la o lukin e ma lipu sona pona.
kulupu
sina kama sona e toki pona la sina wile kepeken ni tawa jan ante. tenpu mute la sina wile toki e wile sona tawa jan ante. ma ni la jan pi toki pona li lon. o kepeken kin ma pi toki pona taso pi ma lipu ni!
- kulupu pi toki pona suli mute li lon ilo Siko.
- ilo ma pona pi toki pona li suli nanpa wan.
- ilo ma toki pona la jan li toki kepeken toki pona taso.
- ilo kama sona li ma pi jan sin.
- kulupu pi toki pona li lon ilo Pepu.
- sina toki e nimi toki pona lon ilo waso laso la jan mute li toki jasima.